"S'ka problem, do e marrim sezonin e ardhshëm me parametër zero". Kjo ishte deklarata nervoze e presidentit të PSG, Al Khelaifi, në lidhje me cështjen Skriniar, kur Inter vazhdonte të luante me rritjen e cmimit të mbrojtësit. U duk në fakt sikur parisienët hoqën dorë përfundimisht nga negociatat për të transferuar në Parc des Princes sllovakun, por gjërat kanë ndryshuar në ditët e fundit të merkatos.
Në fakt, PSG është gati për sulmin e fundit për Milan Skriniar. Sipas RMC Sport, klubi parisien është gati të dërgojë një ofertë të re prej 70 milionë eurosh duke përfshirë bonuset. Optimizmi filtron nën Kullën Eifel, edhe pse Interi e konsideron sllovakun deri tani jo për shitje.
Sipas raporteve nga e përditshmja L’Equipe, parisienët fillimisht ishin të gatshëm të paguanin 60 milionë euro në tavolinë plus një lojtar si shkëmbim teknik, duke marrë refuzimin e Interit, por tani oferta është rritur, pavarësisht se 27-vjeçari do të shkojë në skadencë kontrate në qershor 2023.
