Napoli, i cili këtë mbrëmje do të luajë në Franchi për të provuar të vazhdojë rrugëtimin e tij me pikë të plota në kampionat, duke lënë pas pjesën tjetër të Serie A, është pezull mes një realiteti për t'u pushtuar dhe një ëndrre për t'u kultivuar. Mes ambicies për të kandiduar për titullin dhe shpresës se, në këtë garë, mund t'i japë një dorë - dhe çfarë dore - CR7. Gjë që, e parë nga një kënd tjetër, do të thotë se Aurelio De Laurentiis ka katër ditë kohë për të sjellë portugezin nën Vezuv, por edhe se ajo kundër Fiorentinës mund të jetë ndeshja e fundit me të kaltrit e Victor Osimhen.
Në këtë pikë në lojë futen faktet dhe i pari është se Napoli ka mundësinë të pushtojë kreun vetmitar pas vetëm tre javësh. Rënia e Interit në Romë kundër Lazios dhe barazimi i Mourinhos në fushën e Juventusit, në fakt kanë hapur një autostradë për të besuarit e Spallettit, i cilët, nga ana e tij, me siguri duhet të djerësijë në Firence (edhe pse violat janë kthyer nga kupa të enjten dhe mund ta ndjejnë fizikisht lodhjen).
Fakti i dytë, janë thëniet e trajnerit të të kaltërve, “kush nuk do të donte ta stërviste Ronaldon” e nga ana tjetër “De Laurentiis më tha se nuk kishte marrë asnjë ofertë për Osimhen”. Të gjitha të vërteta të pamohueshme, në kohën kur Jorge Mendes, menaxheri i portugezit, po punon prej ditësh për të endur një rrjetë që do t'i bënte të gjithë të lumtur. Për të zëri i komisioneve; Manchester United do të siguronte një talent të padiskutueshëm duke paraprirë një garë të ardhshme dhe do të hiqte qafe Ronaldon, një trup i huaj në ekipin e Ten Hag; CR7 do të fitonte një tjetër pjesëmarrje në Champions League dhe mbi të gjitha dashurinë unike të popullit të Napolit; dhe, së fundi, AdL, do të bënte një super lëvizje duke marrë në shtëpi një kampion me parametër zero e duke arkëtuar njëqind milionë nga shitja e Osimhen.
Është e vërtetë se një ofertë zyrtare nuk ka ardhur ende nga Manchester, por mund të jetë një çështje orësh dhe gjithçka të shtyn të mendosh se operacioni ka marzh të rëndësishëm suksesi, edhe pse të gjithëve do t'u duhet të ulin objektivin në disa pika. E pankina e dytë radhazi e CR7 në Southampton mund të ketë qenë shumë bindëse për të gjithë, për ta finalizuar operacionin deri tani hipotetik.
