Carlos Sainz rrëmben pole position në GP të Belgjikës, gara e katërmbëdhjetë e sezonit të F1. Spanjolli, i cili trashëgon vendin e parë në start nga Max Verstappen (i penalizuar, do të niset i 15-ti), i paraprin Red Bullit të Sergio Perez në vijën e parë. Të njëjtën gjë bëri edhe Alpine e Alonsos, që i paraprin Hamilton në vijën e dytë. Leclerc, i cili e mbylli seancën me kohën e katërt më të shpejtë, do të niset i 16-ti, pas penalitetit për ndryshimin e njësisë së fuqisë.
Më i shpejti ishte Max Verstappen, si ka ndodhur shpesh, por këtë herë nuk ka rëndësi, këtë herë kampioni ishte i penalizuar, e dinte dhe nuk i interesonte, e shtyu gjithësesi makinën në limite, si në natyrën e tij dhe në legjendën që ka krijuar tashmë rreth tij. Ai shënoi kohën më të mirë, por përpara të gjithëve nesër do të jetë Carlos Sainz i cili shënoi kohën e dytë më të mirë të ditës, që i vlen në këto kushte pole position e dytë të sezonit e në karrierë për spanjollin. I 11-ti për Ferrarin në GP të Belgjikës. Një kohë e dytë që nuk e kënaq shumë pilotin e Ferrarit, sepse është më shumë se gjashtë të dhjetat më e lartë se ajo e Verstappen, i cili vetëm për shkak të penalitetit do të startojë i 15-ti.
Por nuk është rasti për Ferrarin të relaksohet shumë. Me Charles Leclerc të penalizuar gjithashtu, Sainz kishte vetëm një detyrë: të linte pas Sergio Perez. E ia doli: ai e përfundoi i treti (0.797 pas Max) dhe për këtë arsye do të nisë nga vija e parë, i dyti, nga krah të Carlos. Leclerc i katërti si performancë. "Nuk u përgatitëm për kualifikueset - shpjegoi ai - dhe jam shumë i kënaqur me performancën para garës. Edhe pse - shtoi ai i shqetësuar - hendeku mes nesh dhe Max është shumë i madh". Charles koleksionoi një 8 të trefishtë pas rivalit të tij (0.888) dhe nesër do të nisen nga fundi.
