I ngacmuar nga gazetarët në fund të ndeshjes Monza-Udinese, presidenti bardhekuq Silvio Berlusconi është kapur me arbitrin e ndeshjes. "Udinese luante me 12 lojtarë sepse arbitri ishte me ta. Si quhet? Di Bello (i bukuri)? Duhet të quhet Di Brutto (i shmëtuari). Ishte një arbitrim skandaloz. Në golin e tyre të dytë kishte një pozicion jashtë loje shumë i dukshëm dhe në kontraste ai gjithmonë fishkëllente kundër. E ardhmja e Stroppës? Ai është këtu me ne: fillimi i kampionatit është negativ, ne duhet të përmirësohemi". Edhe drejtori ekzekutiv Adriano Galliani konfirmoi trajnerin: "Të vazhdojmë me qetësi, sa keq për dëmtimet. Stroppa i konfirmuar? Absolutisht".
“E ndjemë mungesën e pesë titullarëve, duhet të rikuperojmë ata që nuk janë në formë dhe të këmbëngulin për skemat që nuk respektohen. Çfarë thashë në interval në dhomat e zhveshjes? Se duhej të kishim fituar. Mbrojtësit duhet të kishin markuar një për një, por nuk u bë, ashtu si dhe portieri që duhej të jepte topa të gjatë dhe sulmuesit që duhej të godisnin sa më shumë që të ishte e mundur”, shtoi Berlusconi.
Fjalët e vlerësimit të dy drejtuesve të lartë të Monzës vijnë pasi vetë Stroppa e kishte përjashtuar ndjesinë e të qenit në dyshim. “Ka shumë keqardhje, ishte një ndeshje që mund ta fitonim absolutisht për mundësitë që krijuam dhe zhvilluam. Sa keq për golat e pësuar, janë mjaft të ngjashëm, janë gola shumë të shmangshëm, duhet të përmirësojmë aspektin e përqendrimit dhe vendosmërisë për të bërë gjërat. Nuk mund të pësosh një gol si ky me mbrojtjen të rreshtuar – ishin fjalët e tij për Dazn pas humbjes në shtëpi 1-2 kundër Udinese - Kemi bërë shumë mirë në disa caste, ndonjëherë kemi dhuruar diçka, por është një ndeshje absolutisht pozitive në krahasim me dy të parat - pranoi ai - mua skuadra kështu më pëlqen, duhet të kenë pak më shumë entuziazëm nga pikëpamja e lojës. Duhet të punojmë, me kokën ulur dhe të mos shohim renditjen".
