Në javën e tretë të Serie A, Milan mposhti 2-0 Bolonjën, e ngjitet në kuotën 7 pikë në klasifikim, duke kaluar përpara Inter. Në San Siro provë e mirë në të parën si titullar për De Ketelaere, që shërbeu një asist për Leaon, në golin e parë sezonal. Portugezi ishte në mbrëmjen e tij dhe në të 58' i dhuroi Giroud një top që francezi në akrobaci e dërgoi pas shpinës së Skorupskit, duke mbyllur ndeshjen. Në ndeshjen tjetër të mbrëmjes, përfundoi 2-2 mes Spezias dhe Sassuolos.
MILAN 2-0 BOLOGNA
Leao zhbllokohet, Giroud performon (në akrobaci), De Ketelaere pikturon dhe shpik, dhe Milani e heq qafe Bolonjan mjaft lehtë. Në San Siro përfundoi 2-0 me golat e portugezit dhe francezit, të cilët të kombinuar me performancën bindëse - shumë bindëse - të CDK-së (në debutimin e tij si titullar), i lejojnë Djallit të rikthehet te fitorja dhe të rifitojë kreun e renditjes. Padyshim në pritje të Napolit, që do të luajë nesër, por ndërkohë Interi e ndjek tani në -1: një avantazh i vogël që duhet të mbrohet në funksion të derbit të 3 shtatorit. Një provë autoritare, ajo e kuqezinjve, të cilët patën një sërë rastesh të pastra më të shumta se golat e shënuar. Bolonja meriton vlerësimin se nuk ndërtoi barrikatë përpara Skorupskit, por faza ofensive ishte shumë e flashkët (shtyllë e jashtme e Sansones me rezultatin 2-0) për të vënë në dyshim ndeshjen. Për emilianët një pikë në tre ndeshje, dhe Mihajlovic fillon të shqetësohet.
SPEZIA 2-2 SASSUOLO
Përfundon me një barazim 2-2 ndeshja e mbrëmjes e javës së tretë të Serie A mes Spezias dhe Sassuolos. Kështu jeshilzinjtë dhe ligurët mbeten krah për krah me nga katër pikë në renditje. Miqtë kaluan përpara me Frattesin, por barazimi i Bastonit ishte i menjëhershëm. Në fund të pjesës së parë Nzola ekzekutoi penalltinë e tij me saktësi duke përmbysur rezultatin, por në fillimin e pjesës së dytë Pinamonti falënderon Dragowski dhe Caldaran, autorë të një rrëmuje të jashtëzakonshme, dhe nënshkroi barazimin përfundimtar.
