Juventus ndalet në ndeshjen e dytë radhazi në Serie A në një barazim 1-1 kundër Romës. Në ndeshjen e madhe të javës së tretë të Serie A Vlahovic zhbllokoi sfidën në minutën e 2 me një goditje dënimi spektakolare, përpara se Abraham të ekuilibronte në të 69'. Nga një pikë për Allegrin e Mourinhon, ndërsa Torino godet në transfertën me Cremonsesen, duke u imponuar 1-2.
JUVENTUS 1-1 ROMA
Përfundoi 1-1 ndeshja e madhe mes Juventusit dhe Romës, e vlefshme për javën e tretë të Serie A. Bardhezinjtë e nisën shumë fort dhe e zhbllokuan ndeshjen pas vetëm 2' me një kryevepër nga goditja e dënimit e Vlahovic. VAR anuloi 2-0 e Locatelli për një faull të diskutueshëm të Vlahovic dhe në pjesën e dytë verdhekuqtë gjetën barazimin (69'), me një goditje me kokë të Abraham, në një asist të ish-it të madh Dybalas. Hapi i parë fals për Mourinhon, një tjetër frenim për Allegrin pas atij të Genoas me Sampdorian. Dybala nuk shënoi, por Abrahami po e në Allianz Stadium përfundoi 1-1, me anglezin që goditi me kokë në kthesën e Dybalas, sa për të barazuar golin spektakolar të Vlahovic. Serbi kishte ndërprerë ecurinë e pathyeshmërisë së verdhekuqve në minutën e 451, duke nënshkruar avantazhin momental të Juventusit me një të majtë të shkëlqyer nga një goditje dënimi, por nuk mjaftoi që Juventus të merrte tre pikët e, për më tepër, Allegri duhet të bëjë llogaritë me një tjetër dëmtim, atë të Rabiot.
CREMONESE 1-2 TORINO
Goditje në transfertë e Torinos kundër Cremoneses në hapje të javës së tretë të Serie A. Granatat pushtuan Kremonën 2-1 falë autogolit të Bianchettit në pjesën e parë dhe golit të Radonjic në pjesën e dytë. Goli i Sernicola në fund shërbeu vetëm për të bërë rezultatin më pak të rëndë për skuadrën e Alvinit, që mbetet në zero pikë dhe e fundit në renditje. Në vend të kësaj, Juric buzëqesh, duke konfirmuar fillimin e mbarë të sezonit dhe duke arritur në kuotën e shtatë pikëve.
