Akuzat e shërbyeses së shtëpisë dhe solidariteti i shoqatës së tyre nuk po i japin qetësi Wanda Naras. Menaxherja e futbollit dhe bashkëshortja e Mauro Icardit ka shpërthyer në mediat sociale kundër udhëheqëses së Shoqatës së Punëtoreve shtëpiake në Uruguaj, e cila kishte promovuar një marshim kundër abuzimeve të supozuara të saj kundër ish-shërbyeses së shtëpisë Icardi, Carmen. Gjithçka filloi me atë audio që Carmen shpërndau dhe që ndezi një tjetër skandal rreth një krize të supozuar mes ciftit Wanda dhe Icardi. Shërbëtorja më pas akuzoi Ëandan se e mbante të "sekuestruar" në shtëpinë në Milano, pa dokumente dhe në pritje të pagesave që nuk mbërritën kurrë.
Daiana Carolina González, drejtuesja në krye të Shoqatës uruguaiane për të Drejtat e Punonjësve shtëpiakë, foli ashpër për Wanda Narën gjatë një interviste: "Jam shumë e indinjuar nga ky problem dhe ajo që ka bërë Wanda më duket e tmerrshme. Më duket e tmerrshme, këto gjëra nuk mund të ndodhin me shumën e parave që ajo ka. Ajo që ka bërë kjo grua me Carmen është e pafalshme. Nuk je inferiore nëse je punonjëse shtëpie. E ka qelbur me shumë njerëz Wanda, jo vetëm me Carmen. Le të themi se në familjen Icardi ka shumë dhunë dhe në atë mjedis, ka gjëra që Carmen di për tradhtinë dhe për të cilat ajo nuk dëshiron të flasë. Carmen është e kërcënuar dhe e frikësuar për mendimin tim", shtoi ajo në një intervistë në MitreLive.
E zemëruar me qëndrimin e Gonzalez, Wanda Nara ka komunikuar me të përmes një mesazhi privat në Instagram: “Më dëgjo, nga ku ka**n më njeh ti për të më trajtuar si gënjeshtare dhe për të nxjerrë jashtë të kaluarën time? Sa të ka paguar Carmen?” Mesazhi është publikuar në mediat argjentinase.
