Grida Duma e pranishme në 7 korrik: Protesta do të bashkojë demokratët
Një tjetër deputet që ka ruajtur barazlargimin nga dy grupimet si Tomorr Alizoti gjithashtu ka konfirmuar pjesmarrjen: “Unë marr pjesë me kënaqësi në çdo protestë kundër Edi Ramës. Unë do bashkëpunoj me të gjithë demokratët, protesta është e domosdoshme në këtë vend”, ka pohuar ai. “Unë kam bërë një betejë për demokratët, unë do të jem me ta”, ka përsëritur Salianji. Por edhe të tjerë që kanë qenë mbështetës besnikë të Bashës dhe që për shumë kohë u vizatuan si përkrahës së Alibeajt pas dorëheqjes së kryetarit, nuk kanë dilema për t'iu bashkuar Berishës në marshiumin kundër Edi Ramës. “Unë nuk e ndryshoj fjalën, ju kam thënë edhe më parë që do marr pjesë në protestë”, u ka thënë gazetarëve lushnjari Saimir Korreshi dhe po të njëjtën gjë ka pohuar edhe Dhurata Çupi, Xhelal Mziu, e disi me dorashka edhe Flamur Hoxha apo Arbi Agalliu. Të vetmit që kanë thënë të kundërtën janë një grup i vogël në PD, nga ata që po mbajnë gjallë betejën ligjore për marrjen e vulës së partisë me gjykatë. Kështu Enkelejd Alibeaj ka deklaruar se protesta kryesore duhet zhvilluar në sallën e Kuvendit, duke folur për oligarkët sepse sipas tij "Sali Berisha nuk mund të jetë përbashkimi i njerëzve që vuajnë". Ndërsa Gazment Bardhi ka hedhur poshtë idenë se mund të protestojë përkrah Berishës: “Gjithmonë krah qytetarëve dhe jo non gratave”, ka thënë ai.Alibeaj flet për protestën: Nuk mund të jetë Sali Berisha përfaqësimi i atyre njerëzve që vuajnë
Pikërisht për këtë, duke ndjerë se ka gjetur levën e Arkimedit për të rreshtuar sa më shumë deputetë pro nismës së tij, Berisha është treguar cinik me kundërshtarët që i kanë mbetur. Në një intervistë që do të transmetohet në EuroNews të enjten në darkë, ai ka deklaruar se Bashës nuk ia këshillon pjesmarrjen në protestë dhe se Alibeaj e Bardhi nuk janë të ftuar.
Kjo e ka bërë një nga mbështetësit e tij, Belind Këlliçin e Forumit Rinor, t'i anatemojë protestëthyesit: “Kushdo që do të mbysë zërin e qytetarëve, është në shërbim të qeverisë. Alibeaj apo çdo deputet i zgjedhur nga 25 prilli jemi zgjedhur për të qenë opozitë përballë Ramës, jo me Ramën. Është absurde që të shkojmë në drejtim të gabuar”.
Pasi tani të gjithë po e kuptojnë se rrugë më e shkurtër për të mposhtur kundërshtarët brenda partisë, nuk është që të luftosh me ta, por të radikalizosh aksionin ndaj qeverisë. ©Lapsi.al
