Një festë që më pas kaloi në hidhërim. Një episod i pabesueshëm ka ndodhur në ndeshjen e Segunda Division në Spanjë mes skuadrave të Real Ovideo dhe Ibizas. E gjitha për shkak të një komunikimi fals që ishte përhapur dhe kishte provokuar festën e lojtarëve dhe të gjithë stadiumit. Lajmi pretendonte se Girona, rivale e tyre në garën për “Play-Off”, kishte pësuar gol dhe ishin në disavantazh. Kështu, për Real Oviedon, fitorja e arritur duhet të vlente kualifikimin.
Vala e entuziazmit që shpërtheu brenda stadiumit ishte dehëse, tërhoqi të gjithë publikun në atë atmosferë të çmendur feste, pavarësisht se çfarë po ndodhte realisht. Të gjithë ishin të bindur se në ndeshjen tjetër, Burgon kishte mposhtur Gironën, por nuk ishte kështu, ndeshja përfundoi në barazim pa gola, kështu që fitorja e Oviedos ishte e kotë.
Në fushë dhe në tribuna, megjithatë, besuan të kundërtën e ishte shumë e vështirë të pranoje zhgënjimin. Një futbollist i Oviedos, Matheus, mori celularin për të parë se si kanë qenë rezultatet e ndeshjeve të tjera: lexoi me pabesim, murmuriti diçka dhe fytyra i ndryshoi. Lojtari rifreskoi faqen e rezultateve dhe pa që skuadra e tij ishte jashtë playoff-it. Futbollisti ia komunikoi pjesës tjetër të ekipit dhe në fund festa u mbyt nga dëshpërimi.
https://www.youtube.com/watch?v=pbLo1mcpQWg
