Flash

Dy strategjitë e politikanëve të ndjekur nga SPAK

Arbër Zaimi 21 November 2026

Dy strategjitë e politikanëve të ndjekur nga SPAK

Nga Arbër Zaimi

Politikanët e ndjekur nga SPAK për korrupsion apo abuzime të tjera me pushtetin po ndjekin dy strategji:

1. Po e paraqesin përndjekjen si të natyrës politike. Ne jemi kundër Ramës apo/dhe njerëzve të tij, prandaj po hetohemi, akuzohemi, burgosemi. Drejtësia e verbër nuk do të na përzgjidhte vetëm ne që jemi kundër pushtetit.

2. Po e paraqesin abuzimin si me arsye sentimentale. Ishim të dashuruar prandaj gabuam dhe e përdorëm fuqinë ashtu siç s’duhet. Kupidi i verbër nuk e di ku e ngul shigjetën.

Strategjia e parë fillimisht u ndoq nga prijësit opozitarë e ishte edhe më e besueshme kur vinte prej tyre. Së fundi ka filluar të përdoret edhe nga eksponentë të lartë partiakë të Ramës. Rama u tregua i ashpër ndaj tyre. Trembet nga lindja e beftë e këtij guximi për shprehje hapur të kundërshtimit brenda partisë, sepse me siguri e di që nuk është vetëm një Elisë e një Erion që e urrejnë në heshtje. Prandaj edhe mund të jetë e vërtetë ajo që u raportua, se i ka thënë bashkëpartiakëve se s’vlejnë asgjë e se gjithë partia është vetë ai. Ky mesazh demotivues do të thotë thjesht: e di që më urreni, ta dini që ju përbuz, gëlltiteni në heshtje këtë ndjenjë se rebelimi kushton më shumë për ju që s’keni peshë se sa për mua që peshoj sa e tëra.

Çështja me këtë strategjinë e parë është se në përpjekjen për të ruajtur fytyrën e tyre, politikanët e akuzuar e të paraburgosur, marrin fytyrën e SPAK-ut. Ky institucion i posaçëm antikorrupsion duhet ta kuptojë se ka interes politik e ekonomik në qarqe të caktuara me pushtet, që t’ia rrënojnë imazhin. Vetë Rama me gjuhë “berlusconiane” e me statistika paraburgimesh e ka sulmuar SPAK-un duke e portretizuar si përpjekje e prokurorëve për t’iu mbivendosur pushteteve të pavarura ekzekutive e legjislative. Mandej e ka sfiduar edhe duke mos iu përgjigjur pozitivisht kërkesës për dorëzimin e imunitetit të ish-ministres Balluku. Shumë nga ata të strategjisë së parë e përdorin këtë ndodhi për të treguar se SPAK-u ka dy standarde, ata i mori ndërsa Ballukun jo. Por SPAK në fakt ka kërkuar njësoj masa për Ballukun si për të tjerët, e vetmja gjë që ndryshon është gatishmëria e Ramës për t’i dorëzuar imunitetet e tyre por jo për atë të Ballukut. Pra në këtë rast dy standarde i ka treguar Rama e jo SPAK-u.

Edhe strategjia e dytë u kthye në kërcënim. Fjalët e Majkos për mijëra orë inçizime pasionale shërbejnë si përkujtim: mos bëni gërr-vërr shumë kundër këtij se ky ua merr dhe erzin. Publikimet e videove të artistëve e patën efektin “shijues”, që të kuptohet se si reagon publiku kur i serviret ushqim i tillë në media.

Ngjarjet në Serbi tregojnë për institucione të drejtësisë që nuk vepronin dot sa ishte Vuçiqi në pushtet, e që me nxitim po veprojnë ende pa u formuar qeveria e re. Kriminelë të fuqishëm, bankierë, biznesmenë e politikanë po ndalohen e po ballafaqohen me dosje akuzuese, ose po arratisen.

Me siguri do vijë një ditë që do kemi përgjigje dhe për arsyet e Ramës, pse disa i mbrojti nga SPAK-u e disa jo. Nëse ai nuk zgjedh të na hedhë hi syve me strategjinë e dytë.

Të këshilluara

ERA QË NUK NDALET MË!

Regjimi katërmbëdhjetë vjeçar i Aleksandar Vučić përfundoi. Serbia u çlirua, si pasojë e rezistencës dhe mobilizimit...

16:01 Ditmir Bushati

Revolta dhe antarësimi në BE nuk e përjashtojnë njëra tjetrën

Revolta dhe rruga e aderimit të Shqipërisë në BE nuk e përjashtojnë njëra-tjetrën. Revolta ka të bëjë me atë anë të Shqipërisë që negociatat e aderimit në BE ende nuk kanë arritur ta ndryshojnë, anën e pushtetit të personalizuar, anën e ndërlidhjes me krimin e organizuar, anën e shpërlarjes industriale të parave të drogës, anën e korrupsionit si kulturë qeverisëse, një kulturë qeverisëse si rregull e jo përjashtim

10:24 Veton Surroi

Kriza jonë e trefishtë tashmë ka emër

Edi Rama është sot mishërimi, edhe pse jo shkaku i vetëm, i krizës së përfaqësimit politik. Askush më shumë se ai nuk punuar për të ndërtuar një parti dhe një sistem politik në shërbim të kryetarit dhe jo të qytetarit

09:49 Blendi Kajsiu

Vlerat e mëdha testohen në vendet e vogla

BE thuajse e braktisi modelin paqësor dhe i dha prioritet të fortit dhe të korruptuarit në pushtet. Madje, ambasadori i BE në Tiranë e mbylli karrierën e Tiranë me një dekoratë nga i forti i Shqipëtisë

14:37 Nebi Bardhoshi

Sot është turp të jesh socialist

Teksa shikoj videot e të rinjve që hiqen zvarrë, ndiej turp për të majtën kriminale të këtij vendi. Më përzihe...

17:20 Irena Beqiraj

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI