Deputeti socialist Erion Braçe zgjodhi të mos komentojë në lidhje me kërkesën e SPAK për të arrestuar kolegun e tij Alqi Bllako.
Teksa u pyet nga mediat, në hyrje të kryesisë së Kuvendit, Braçe tha se duhet që drejtësia të lihet të bëjë punën e saj.
Lexo më tej: SPAK pret fletë arrestet për deputetin Alqi Bllako dhe 20 zyrtarë
Braçe se “komentet do ishin politike, ndaj nuk ia vlen të flasë”. Braçe shtoi se me çështjen duhet të merret drejtësia nga fillimi deri në fund dhe nëse ndërhyn prishet hetimi.
“Të merret drejtësia me çështjen nga fillimi deri në fund, të nxjerrë konkluzionet e veta, është e tepër të bëjmë ne komente. Po ndërhymë ne me komente prishet hetimi”, u shpreh Braçe.
Deputeti u pyet edhe nëse do të japë dorëheqjen Bllako?
“Komentet do jenë politike kështu që nuk ia vlen”, përfundoi ai.
