(VIDEO: Bombardimet ruse mbi Kiev) -Sekretari amerikan i shtetit, Antony Blinken paralajmëroi se "të gjitha provat sugjerojnë se Rusia synon të rrethojë dhe kërcënojë" qytetin. Trupat ruse hynë në Ukrainë nga veriu, lindja dhe jugu ditën e djeshme.This is the sky above Kyiv. pic.twitter.com/Is0frVlatP
— Justin Ling (@Justin_Ling) February 25, 2022
-Sekretari amerikan i mbrojtjes, Lloyd Austin ka thënë se makineritë ushtarake ruse ishin rreth 32 kilometra nga Kievi. Associated Press raportoi se ai i bëri komentet në një telefonatë për ligjvënësit amerikanë.
-Presidenti ukrainas Volodymyr Zelensky tha se 137 persona brenda Ukrainës kishin vdekur dhe 316 ishin plagosur si rezultat i pushtimit rus dhe sulmeve ushtarake. Në një video-fjalim të enjten vonë, udhëheqësi ukrainas tha se ishte i dëshpëruar pasi foli me liderët e vendeve anëtare të NATO-s pas fillimit të pushtimit. “Ne kemi mbetur vetëm për të mbrojtur shtetin tonë. Kush është gati të luftojë përkrah nesh? Unë nuk shoh askënd”, tha ai.
https://www.youtube.com/watch?v=jr3ACFyXB78
-Trupat ruse kanë kapur centralin bërthamor të Çernobilit në veri të Ukrainës dhe kishte raporte të besueshme se po mbanin peng stafin atje, tha Shtëpia e Bardhë.
-Një betejë e ashpër për bazën ajrore strategjike pranë Kievit dukej se po vazhdonte vonë të enjten. Për më tepër, çdo ushtar që mbronte ishullin Zmiinyi, ose ishullin e gjarpërinjve në Detin e Zi kishte vdekur, tha Presidenti Zelensky.
-Ukraina ka dekretuar një mobilizim të plotë ushtarak kundër pushtimit rus. Burrat ukrainas të moshës 18-60 vjeç tani u ndalohet të largohen nga Ukraina. Zelensky ka shpallur gjendjen ushtarake.
https://youtu.be/XP_YyXdYT5M
(VIDEO: Babai ukrainas nis familjen larg rrezikut dhe qëndron të luftojë kundër pushtuesve rusë)
-Zelensky thotë se do të qëndrojë në Kiev, pavarësisht se ai ishte objektivi kryesor i Rusisë. “Ne nuk kemi frikë. Ne nuk kemi frikë nga asgjë”, tha ai.
-Mijëra persona u përpoqën të largoheshin nga Kievi, duke çuar në radhë të mëdha trafiku. Janë shfaqur fotografi të banorëve të Kievit duke u grumbulluar në stacionet e metrosë nëntokësore ku po strehohen nga sulmet e mëtejshme ruse.
-Protestat kundër luftës kanë derdhur mijëra rusë në qytete anembanë Rusisë. Policia ka shtupur me shpejtësi tubimet e paligjshme. Policia ka bërë të paktën 1702 arrestime në 53 qytete ruse.
-Presidenti i SHBA, Joe Biden dhe kryeministri i Mbretërisë së Bashkuar, Boris Johnson kanë vendosur më shumë sanksione ndaj Rusisë. Po kalkulohet që të vendoset edhe sanksioni më ekstrem, përjashtimi i Rusisë nga sistemi ndërkombëtar i pagesave bankare, Swift.
-Ministri i Jashtëm i Ukrainës, Dmytro Kuleba, shprehu zemërimin e tij teksa krerët e shteteve dhe qeverive të BE-së dukej se po ndalonin vendosjen e këtij ndaj Rusisë. Kuleba paralajmëroi se politikanët evropianë dhe amerikanë do të kishin "gjak në duart e tyre" nëse vendosnin kundër sanksionit. ©LAPSI.AL
