Zhurma e derbit mund të jetë shuar tashmë, por pasojat akoma jo. Kështu, Komisioni i Disiplinës dhe Etikës pranë Federatës Shqiptare të Futbollit i ka bërë "dhuratën" e parë të vitit dy klubeve kryeqytetase, që rivalitetin e fortë të tifozerive të tyre do të detyrohen ta paguajnë me një gjobë të dyfishtë. Kështu, për të dyja klubet 100.000 lekë gjobë për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, si dhe detyrimin reciprok për të dëmshpërbyer sektorët e dëmtuar në Air Albania e kjo brenda 15 ditëve.
Për herë të dytë që kur ka nisur sezoni (në rastin e parë u justifikua me mbajtjen e shiritit të zi) të kuqtë nuk kanë për të paguar gjobën për shkak të logos së kampionatit të cilën klubi refuzonte ta vendoset në fanellë. Sic duket vit i ri, mendim i ri...
Vendimet e Komisionit të Disiplinës dhe Etikës
1. FK Partizani, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 65/1, 65/3/a, 65/3/c dhe 65/3/f të KDS, dënohet me gjobë në masën 100.000 (njëqind mijë) lekë.
FK Partizani, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
2. KF Tirana, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 65/2, 65/3/a, 65/3/c dhe 65/3/f të KDS, dënohet me gjobë në masën 100.000 (njëqind mijë) lekë.
KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
3. Zyrtari i Besëlidhja, Gjok Noka, në bazë të nenit 12 të KDS, paralajmërohet se në rast të përsëritjes së sjelljes josportive ndaj zyrtarëve të ndeshjes, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
4. Lojtari i Maliqi, Abbey Agbodzie, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
5. Lojtari i FC Kinostudio U-17, Egin Bajraktari, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
6. Rrëzimin e kërkesës së Manchester Junited 5×5, si të pabazuar në Kodin e Disiplinës Sportive.
