Flash

Komiteti Ekzekutiv i UEFA-s merr vendimet e fundit të vitit: edhe klubet shqiptare direkt të interesuara

Lapsi.al 16 December 2021
Komiteti Ekzekutiv i UEFA-s merr vendimet e fundit të vitit: edhe klubet

Çështje të ndryshme në lidhje me futbollin europian, që nga strategjia e re për futbollin e deri te rregulloret e reja të kompeticioneve dhe sfidat e reja për të përmirësuar qëndrueshmërinë financiare të klubeve europiane të futbollit që janë prekur rëndë nga pandemia. Këto ishin pikat në të cilat u ndal Komiteti Ekzekutiv i UEFA-s në mbledhjen e fundit të vitit, të mbajtur përmes video-konferencës, me pjesëmarrjen edhe të Presidentit të FSHF-së, Armand Duka, në cilësinë e anëtarit të Komitetit Ekzekutiv të UEFA-s.

KE-ja u njoh edhe me një përditësim mbi rregulloret e fair-play-t financiar dhe nevojën për t’i rishikuar ato, për të adresuar sfidat e reja dhe për të përmirësuar qëndrueshmërinë financiare të klubeve europiane të futbollit që janë prekur rëndë nga pandemia, pikë në të cilën janë shumë të interesuar edhe klubet shqiptare. Kështu u vendos përditësimi i Planit Europian të Rimëkëmbjes së Futbollit të Klubeve, që synon të përdorë të ardhurat e UEFA-s nga garat e klubeve si siguri për t’i lejuar klubeve europiane akses në likuiditet gjatë viteve në vijim. U miratua, gjithashtu, edhe strategjia e re 2030 për qëndrueshmërinë e futbollit “Strength through Unity’, që ka si qëllim të mobilizojë të gjithë federatat anëtare, ligat dhe klubet rreth një qasjeje të përbashkët, në mënyrë që të investohet në prosperitetin e ardhshëm të futbollit.

Në këtë mbledhje u diskutua edhe mbi rregulloren e kompeticioneve, ku edhe në ndeshjet play-off të Ligës së Kombeve 2020-2021, që do të luhen në muajin mars të vitit 2022, KE-ja miratoi heqjen e rregullit të golit të shënuar në fushë kundërshtare ashtu sikurse edhe për play-off-et e Kampionatit Europian U-21 2023, që do të luhen në shtatorin e vitit 2022. Gjithashtu, për shkak të pandemisë, për Kampionatin Europian të Futsallit për meshkuj që do të luhet në Hollandë dhe për Kampionatin Europian të Futsallit për femra 2022, do të zbatohen rregulla të veçanta, ashtu sikurse në dy kompeticionet e tjera të UEFA-s (EURO 2020 dhe finalet e UEFA Nations League). Rregulla speciale do të aplikohen edhe për kualifikueset e europianit për Kupën e Botës në Futsall 2024.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Kërcënimet ndaj Veliajt/ Pse u xhindos Rama për ca drejtorë bashkie

Arsyeja përse Rama arriti deri te kërcënimet mafioze ndaj Veliajt për shkarkimin e disa drejtorëve të Bashkisë së Tiranës lidhet me rrezikun që, përmes këtyre largimeve, kryebashkiaku i burgosur t’i çmontojë makinerinë elektorale të PS-së në prag të zgjedhjeve lokale.

01:22

Me sytë katër

PAPARAZZI