Pas Kukësit edhe Tirana: jo rastësisht dy kryesueset e kampionatit dhe në këtë pikë nuk janë aspak rastësi edhe shifrat e arritura nga kurbinasit, që nga një skuadër në zonën e rënies nga kategoria, natyrisht jo bazuar në potencial dhe objektiva, u shndërrua në një skuadër të frikshme, që në 8 ndeshjet e fundit ka marrë 6 fitore e një barazim, duke kërcënuar kreun. Merita në këtë pikë është e arkitektit të këtij suksesi Mirel Josa, që ka bërë mat me tre lëvizje: motivim, rivlerësim dhe anatgonizëm. 21 pikë janë të Lacit për vendin e katërt në renditje, nga të cilat 16 janë të kohës së Josës, të arritura në 7 ndeshje, duke patur parasysh që një fitore është e Sero Nokës, që udhëhoqi skuadrën për në duart e ekspertit Josa.
NDESHJET ME JOSËN NË PANKINË
30/10/21 Laçi 2 – 0 Skënderbeu
07/11/21 Laçi 2 – 0 Teuta
20/11/21 Partizani 1 – 1 Laçi
27/11/21 Vllaznia 1 – 0 Laçi
03/12/21 Laçi 5 – 0 Dinamo
09/12/21 Kukësi 1 – 2 Laçi
14/12/21 Laçi 1 – 0 Tirana
Bashkë me Teutën e Dinamon, pa llogaritur paqen me Partizanin, janë katër nga pesë pretendentët për Europën dhe titullin që janë vënë përfund nga kurbinasit: të vetmit që kanë mundur formacionin bardhezi me Josën në pankinë, janë shkodranët e Brdaric. Askush nuk ka bërë më mirë se Laçi në këtë fraksion të kampionatit, madje as Tirana kryesuese, që u dorëzua në fund të një ndeshje ndoshta jo brilante, por në të cilën bardhezinjtë bënë dukshëm më mirë se kundërshtari. E gjithë vazhdimësia impresionuese që zgjat prej 8 javësh e në të cilën kanë grumbulluar 19 pikë në 24 të mundshme, është për tu vlerësuar, por ishin pikërisht 2-1 me Kukësin e 1-0 me Tiranën që ka kthyer besimin në kampin kurbinas për një titull që për momentin është -6 dhe më i arritshëm se kurrë.
