Mund të jetë transferimi i madh i verës. Nga Torino në Barcelonë, duke kaluar nëpër Dortmund. E ardhmja e Haaland varet në balancë. Lojtari në verë mund të përfitojë nga klauzola e zgjidhjes së kontratës (e vendosur në 75 milionë, plus bonuse në lidhje me rezultatet) për t'u çliruar nga Borussia Dortmund. Javën e kaluar Mino Raiola, i intervistuar nga Sport1, shpjegoi se klienti i tij mund të transferohet vetëm në disa klube në botë ("Bayern, Barcelona, Real dhe City", tha ai). Dhe njëri prej tyre tashmë po lëviz. Të hënën, në fakt, presidenti i Barcelonës, Joan Laporta, është takuar me Raiolën, duke diskutuar për transferimin e mundshëm të Haaland.
Barcelona, megjithë borxhet dhe vështirësitë ekonomike, është e gatshme të investojë te Haaland. Madje, Laporta e ka garantuar Raiolën se norvegjezi është objektivi kryesor i klubit katalanas. Sulmuesi aktual i Borussia Dortmundit është në qendër të projektit teknik të teknikut Xavi. Megjithatë, për të qenë në gjendje të mbyllë marrëveshjen, Raiola duhet të heqë dorë nga një pjesë e komisioneve. Me pak fjalë duhet të ulë kërkesat. Në fakt, në këtë moment, Barcelona duhet të mendojë për çdo qindarkë të shpenzuar. Ndërkohë, bazat e negociatave janë hedhur në Torino. Mbi Haaland është edhe Barcelona.
