Tashmë që përsëritja e shortit të Nyon e ka vendosur Liverpool përballë Inter në 1/8 e Champions League, në pritje të përballjes europiane, skuadra e Jurgen Klopp e ka kthyer vëmendjen nga Newcastle, ndeshje e planifikuar për të enjten në mbrëmje në orën 21, pas së cilës është fshehur edhe një rekord.
Liverpool arrin në ndeshjen kundër Newcastle me një seri të hapur prej shtatë fitoresh radhazi, mes kampionatit dhe Champions League. Sinjali më inkurajues për Klopp vjen nga mbrojtja: vetëm dy gola të pësuar (kundër Evertonit dhe Milanit) në këtë seri ndeshjesh, me dy fitore të ngushta - kundër Wolverhampton dhe Aston Villa - në javët e fundit. Reds janë të dytët, -4 nga Manchester City, i cili tashmë ka mbaruar punë me raundin e mesjavës: 7-0 ndaj Leeds të Marcelo Bielsas. Kështu, Klopp dëshiron të kthehet menjëherë në -1 dhe për ta bërë këtë duhet të mposhtë vendin e parafundit në renditje: vetëm 10 pikë në 16 ndeshje për Newcastle, i cili u mund 4-0 nga Leicester javën e fundit.
Por përveç tre pikëve, Reds kanë edhe një synim tjetër: 2 mijë fitoret në kampionatin anglez. Ka mbetur vetëm një sukses për t'u bërë skuadra e parë që arrin këtë moment historik. Ekziston pastaj edhe faktori Anfield që duhet marrë parasysh: Newcastle ka fituar në stadiumin e Liverpool në vitin 1994, duke mos gjetur më suksesin në 25 ndeshjet e ardhshme (20 humbje dhe pesë barazime). Duke numëruar edhe ndeshjet në fushën e Magpies, Reds nuk kanë humbur që nga dhjetori 2015: që nga ajo kohë pesë fitore dhe katër barazime. Rreziku numër një është padyshim Momo Salah, i cili ka shënuar në të katër ndeshjet në shtëpi të luajtura me Liverpool kundër Newcastle.
