Inter mposht Cagliarin 4-0, duke arritur fitoren e pestë radhazi në kampionat dhe përfunduar me sukses operacionin e parakalimit ndaj Milanit, duke u ngjitur i vetëm në krye të renditjes në Serie A. Gjithçka ishte e lehtë për zikaltrit në San Siro: Lautaro zhbllokoi në minutën e 29’, më pas argjentinasi humbi një penallti, por në pjesën e dytë llogaritë i mbyllën Sanchez dhe Calhanoglu, para se vetë argjentinasi të shënojë dygolëshin personal që fundos sardët, të ndalur në vendin e parafundit.
Parakalimi i kompletuar: Interi likuidoi lehtësisht Cagliarin dhe mori kryesimin, duke përfituar nga ndalesa e Milanit në Udine dhe dy humbjet radhazi të Napolit. Zikaltrit bënë lojën e zakonshme intensive dhe fluide, duke dominuar për sa i përket zotërimit të topit dhe rasteve, duke konkretizuar edhe më pak se sa do të kishin merituar. Makina e Inzaghit rezulton të jetë jashtëzakonisht e vajisur dhe e aftë të funksionojë me kapacitet të plotë, pavarësisht nga ingranazhet që e përbëjnë atë. Nuk ishte rastësi që Sanchez dhe Dumfries spikasin ndër më të mirët e mbrëmjes, përveç Lautaros së zakonshëm, Calhanoglu dhe Barella, dy nga të paktët që kishin shfaqur disa vështirësi në pjesën e parë të sezonit.
Të pritur nga ndeshjet ndaj Salernitanës dhe Torinos, tashmë skuadra zikaltër duket se ka rrugën e hapur dhe dozën e duhur të entuziazmit për të mbyllur fazën e parë para të gjithëve. Për Cagliarin, nga ana tjetër, është errësirë e plotë, edhe pse këto sigurisht nuk janë mbrëmjet nga të cilat Mazzarri mund të shpresojë të marrë diçka.
Serie A Italy
Torino 2-1 Bologna
Verona 1-2 Atalanta
Napoli 0-1 Empoli
Sassuolo 2-1 Lazio
Inter 4-0 Cagliari
