Një Milan i rimodeluar për dëmtimet e shumta dhe një Liverpool tolerant për të lejuar të zbresin në fushë ata që kanë luajtur më pak, duke ruajtur titullarët të rikuperojnë energjitë. Kuqezinjtë luajnë gjithçka për gjithcka, Reds mund të tenojnë të mbyllin grupin me pikë të plota. Teatri i ndeshjes së Champions League mes dy skuadrave që kanë shkruar faqe epike në Evropë është San Siro: “Mezi pres të luaj atje, është hera e parë për mua”, tha Jurgen Klopp në një konferencë për shtyp. Mundësi për trajnerin gjerman, siç saktëson edhe vetë, t'i lërë disa lojtarë të marrin frymë: "Salah? Nuk mund t'i ndryshoj të gjithë, do të duhet të vendosim njëmbëdhjetë lojtarë në skuadër. Do të shohim, megjithatë, edhe ne duhet të kuptojmë situatën, sigurisht që duhet t'i rrotullojmë lojtarët dhe të sigurohemi që skuadra më e mirë të jetë në fushë".
"Janë pesë ndryshime - vazhdoi Klopp - kjo është gjithashtu e dobishme për t'i bërë turnover lojtarëve. Ne duhet të stërvitemi dhe të luajmë në maksimum, mund të stërvitemi më shumë për të luajtur më mirë, por ky është konteksti që kemi. Duhet të bëjmë gjërat e nevojshme për të përballuar ndeshjen me intensitetin e duhur dhe kaq. Ka shumë lojtarë të rinj cilësorë, me perspektivë të mirë: jemi shumë të kënaqur me këtë. Kemi disa, nesër në Milano do të vijnë të rinj të tjerë me ne, të shohim nëse do të luajnë apo jo, por nëse ata janë me ne, kjo është sepse ata kanë cilësitë për të luajtur futbollin që ne duam të luajmë".
