Ndeshjet që çdo lojtar i kujton më mirë janë ato në të cilat fiton diçka të rëndësishme ose humbet mundësinë për ta bërë këtë. E vërtetë, por deri në një pikë të caktuar. Kur e ndan fushën me kampionë shumë të rëndësishëm, ato 90 minuta mbeten të gdhendura në kujtesë. Sidomos nëse ka ndonjë problem... Për shembull, është një nga ndeshjet e shumta mes Atletico Madridit dhe Barcelonës që Ujfalusi e mban mend shumë mirë. Ish-mbrojtësi i Fiorentinës ka ripërsëritur, siç bëhet e ditur nga Mundo Deportivo, se sa e vështirë ishte të jetosh me makthin... e shkaktimit të një dëmtimi të rëndë Messit.
Ujfalusi ishte protagonisti i pavullnetshëm i ndeshjes së zhvilluar në shtator të vitit 2010, i karakterizuar nga një “përkëdhelje” të kaviljes së argjentinasit. Kjo u pasua nga momente terrori të pastër dhe kritikash të rënda. "Më erdhi shumë keq. Kur pashë kaviljen e Messit, ishte e tmerrshme. Isha i sigurt se do ta merrja topin, por godita edhe atë. U qetësova vetëm pasi e kuptova se lëndimi nuk ishte i rëndë". Një lehtësim edhe për karrierën e të dyve duke pasur parasysh se mbrojtësi u akuzua për "vrasje" të Messit. “Nëse ndërhyrja ime do ta kishte lënë jashtë fushës për gjashtë apo tetë muaj, do të më duhej të emigroja. Do të kisha përfunduar duke luajtur në Bali, në Indonezi”.
Ujfalusi pranon gabimet e tij, por edhe saktëson se si gjithçka është amplifikuar nga rëndësia e viktimës së tij. "Në fund të ndeshjes i kërkova Agueros t'i dërgonte Leos një mesazh ndjese. Doja të sigurohesha që ai ishte mirë. Pas disa ditësh ai më ktheu përgjigje, duke më shkruar që të mos shqetësohesha. Ai do të kthehej pas pak javësh Në atë moment u qetësova padyshim. Jo nuk doja kurrë ta lëndoja. Megjithatë, besoj se nëse Messi nuk do të ishte përfshirë në këtë aferë, por një lojtar më "normal", do të ishte ndryshe. Ndërhyrja ime nuk do të kishte pasur një ndikim të tillë mediatik”.
