Pauza e kampionatit është një mundësi e mirë për një bilanc edhe për arbitrat italianë pas dymbëdhjetë javësh: nuk kanë munguar polemikat në Serie A dhe për këtë arsye AIA po studion një mënyrë për të siguruar një transparencë më të madhe në lidhje me vendimet e marra nga arbitrat në fushat e futbollit. Duket se po venitet hipoteza e dërgimit të arbitrave për të folur në TV pasi, siç shkruan Repubblica, “do të përfundonim duke i ekspozuar arbitrat në një gjyq mediatik çdo javë”. Lind kështu një ide tjetër, me një lloj ndërmjetësi mes AIA-s dhe klubeve në emër të Federatës së Futbollit, një skenar në një fazë mjaft të avancuar duke qenë se tashmë është gjetur edhe figura e duhur: ish-arbitri Antonio Giannoccaro.
I kërkuar nga presidenti Gravina dhe i mbështetur nga të gjithë, debutimi i tij është pothuajse afër, pasi polemikat e arbitrave bëhen më intensive pas çdo jave të kampionatit. E përditshmja romane, megjithatë, shkon më tej, duke shpjeguar sesi AIA ka programe edhe më ambicioze: para së gjithash një prej pikave, të hënën ose të martën do të shpjegohen disa episode - jo domosdoshmërisht më të diskutuarit - në mënyrë didaktike.
Por mbi të gjitha ekziston ideja për ta bërë publikun në shtëpi të dëgjojë audiot e komunikimeve mes arbitrit dhe VAR-it në episodet kyçe, edhe pse jo drejtpërdrejt: ka shumë të ngjarë që të ndodhë pas ndeshjeve, duke përdorur bisedat e ruajtura për qëllime didaktike, duke qenë se të tjerat nuk ruhen. Synimi i kësaj ideje është të realizohet para përfundimit të kampionatit.
