Të punosh shumë për të mposhtur më të mirët, gjithmonë. Mendimi i Klopp është pikërisht ky dhe tekniku gjerman e konfirmon edhe në mikrofonat e Sky Sports. Trajneri i Liverpool foli për mentalitetin e ekipit të tij, që është në luftë për Premier League dhe Champions League: "Ne nuk e konsiderojmë veten skuadra më e mirë në botë. Nuk na intereson dhe nuk kemi qenë kurrë. Por ne duam të jemi në gjendje ta mundim skuadrën më të mirë në botë, kushdo qofshin ata."
Trajneri gjerman më pas vazhdoi: “Ka përgjegjësi, ka presion me këtë ide dhe ne jemi Liverpool, gjithmonë me pritshmëri të mëdha”, tha Klopp. "Duhet të fitojmë. Njerëzit presin që ne të jemi në anën fituese shumë shpesh. Të vazhdosh në këto nivele është një sfidë." "Mënyra jonë e të menduarit është një status. Ne duhet të mbetemi të vendosur dhe të përkushtuar për të gjitha gjërat që bëjmë. Mënyra jonë e lojës nuk duhet të jetë kurrë e relaksuar. Ne jemi një ekip futbolli me intensitet të lartë, ky është identiteti ynë dhe ne duam ta ruajmë gjithmonë".
