Kampionati është një tjetër histori, ayu Tirana mbetet e pamundur dhe shkëputet edhe tre pikë të tjera nga Kukësi, duke e cuar diferencën në 6 pikë, në pritje të ndeshjes së Teutës. Vetëm tre ditë pas humbjes së parë sezonale, që Dinamo ia shkaktoi në vajtjen e raundit të dytë të Kupës së Shqipërisë, bardheblutë shënojnë një poker për hakmarrjen e tyre të ndërtuar me autorgolin e Sidibe, dygolëshin e Xhixhës e realizimin e Hotit.
Një ndeshje që Dinamo e përballoi vetëm në pjesën e parë, duke u dorëzuar në fund të saj në goditjen e Seferit, ndërsa më pas, në të dytën, bardheblutë bënë diferencën me skuadrën e Shkëmbit që mund të kapet me gabimet e Sibide (autogoli i minutës së 45 dhe gafa në golin e parë të Xhixhës), por çaloi e gjitha në një performancë apatike e dominuar totalisht nga skuadra e Orges Shehit. Tirana bëri gjithcka si duhet për të lënë pas 2-0 e Kupës dhe kthehet të vazhdojë rrugëtimin në kampionat me një poker që nuk lë diskutime.
Vazhdon momenti i mirë i Seferit, pavarësisht se ftesa e Rejas mungoi, ndërsa Xhixha është gjithnjë e më tepër protagonist i një sezoni të nisur në mënyrë fantastike: gjashtë fitore e dy barazime në tetë javë kampionat. Një fitore e madhe në derbi për bardheblutë, që tani mund të quhen dominatore të kryeqytetit, duke qenë se i kanë fituar të dy ndërqytetaset, me Partizanin e tani me Dinamon, duke u ngjitur në kuotën e 20 pikë, në krye të renditjes.
GOLAT E MBRËMJES NË TIRANA-DINAMO 4-0
