Nicolò Zaniolo e ka kaluar me një gjobë prej 10.000 € gjestin e turpshëm kundër tifozëve të Lazios në fund të derbit. Ky është vendimi i gjyqtarit sportiv, me motivacionin e mëposhtëm ndaj lojtarit të Romës: "Për faktin se, në fund të ndeshjes, duke u larguar nga fusha, i drejtoi mbështetësve të ekipit kundërshtar një gjest vulgar sfidues; shkelje e zbuluar nga bashkëpunëtorët e Prokurorit Federal”.
SKUALIFIKOHET DJIDJI (TORINO): HUMB DERBIN
Gjykatësi sportiv i Serie A skualifikoi për një ndeshje mbrojtësin e Torinos, Koffi Djidji në lidhje me ngjarjet e ndodhura në javën e gjashtë të Serie A. Lojtari u ndëshkua gjatë ndeshjes së djeshme kundër Venezias dhe do të humbasë derbin me Juventusin.
GJOBË PËR OSIMHEN, NAPOLI E INTER
Paralajmërim dhe gjobë prej 2,000 eurosh për sulmuesin e Napolit, Victor James Osimhen për simulimin se pësoi një faull në zonën e penalltisë së kundërshtarit, në ndeshjen kundër Cagliari në Maradona. Një gjobë prej 3,000 eurosh edhe për Napolin për shkak se 'mbështetësit e tij në minutën e 11' të pjesës së dytë përdorën një bilbil që shqetësonte rrjedhën e rregullt të ndeshjes, duke e detyruar gjyqtarin të bëjë njoftimin e zakonshëm". 2000 euro gjobë edhe për Inter, për fyerjet e tifozëve të tij kundër trajnerit kundërshtar, në ndeshjen e San Siros kundër Atalantas.
