Një fitore tjetër në fund për Atletico Madrid në javën e gjashtë të La Liga në Spanjë. Në derbin me Getafen, Colchoneros shkuan në disavantazh në minutën e 45’ me golin e Mitrovic, por në pjesën e dytë vendasit mbeten me dhjetë lojtarë dhe, më pas, Luis Suarez ekzaltohet me një dygolësh në të 78’ dhe të 90’ për suksesin final 2-1. Ekipi i Simeones fluturon kështu në vendin e parë në renditje me 14 pikë, ndërsa Getafe mbetet me zero.
Pas fitores së minutës së 99 me Espanyol, Atletico Madrid shpëton akoma në minutat e fundit në javën e gjashtë të La Liga. Colchoneros fituan derbin e Madridit kundër Getafes 2-1, falë një dygolëshi të Luis Suarez, i cili iu përgjigj Mitrovic. Skuadra e Simeones merr kështu kryesimin në renditje me 14 pikë, ndërsa Getafe mbetet ende me zero. Vendasit kaluan në avantazh në fund të pjesës së parë me mbrojtësin Mitrovic, i cili mbylli kështu një pjesë të parë të mirë të Getafes, ndërsa Atletico vuajti shumë për të krijuar lojë.
Në pjesën e dytë rezultati nuk ndryshoi të paktën deri në të 74’, kur Getafe mbeti me dhjetë lojtarë pas kartonit të kuq të Alenas: kaq mjaftoi që të besuarit e Simeones të shpërthejnë, e në fakt iu deshën vetëm katër minuta për të barazuar rezultatin me Luis Suarez, që i shpëton pozicionit jashtë loje. Në këtë pikë, kampionët në fuqi të Spanjës vazhduan të shtyjnë fort me një njeri më shumë dhe golin fitues e realizuan në minutën e 90 përsëri me Pistoleron.
