Përfundon në barazim ndeshja në Xhenova mes Sampdorias dhe Interit (2-2). Në avantazh me një goditje dënimi të Dimarcos, zikaltrit lejuan rikuperimin e dorianëve pas gjysmë ore të pjesës së parë nga Yoshida, me fat në devijimin e Dzekos. Në fund të pjesës së parë, skuadra e Inzaghit gjeti golin e avantazhit të dytë me Lautaro Martinez, por një kryevepër e Augellos në fillimin e pjesës së dytë kompletoi rikthimin e dytë të Sampdorias.
Golat, veprimet e bukura, gabimet dhe rastet e humbura karakterizuan një Sampdoria-Inter, që ofroi shumë emocione, por bëri më të lumtur vendasit, të cilët gjetën golat e parë në kampionat. Një Inter shumë i brishtë, nga ana tjetër, rikuperohet dy herë, humbet pikët e para dhe, duke pritur Milan-Lazio dhe Roma-Sassuolo, humbet vendin e parë, duke përfunduar në -2 nga Napoli.
Katër gola, të gjithë me të majtën, tre prej të cilëve ishin të mrekullueshëm: Dimarco, Lautaro, Augello. Barazimin e parë e firmosi Yoshida, falë një devijimi vendimtar të Dzekos. Inzaghi gjithashtu duhet të jetë pak i shqetësuar për nervozizmin dhe dëmtimin e Dimarcos dhe (për të zakonshmin, fatkeqësisht) të Sensit.
