Në pritje të fillimit të Ligue 1, të planifikuar për fundjavën e ardhshme, të dielën e 1 gushtit do të vihet në skenë Superkupa e Francës. Do ta diskutojnë Lille dhe Psg, në Bloomfield Stadium, në Tel-Aviv në Izrael. Ekipi i drejtuar nga Gourvennec triumfoi në kampionat sezonin e kaluar, falë pathyeshmërisë së Maignan, portierit të ri të Milanit, dhe golave të Burak Yilmaz. Klubi parizian fitoi Kupën e Francës duke mundur Monakon në finale. Tani të dy do të sfidohen për Superkupën, objektivin e tyre të parë në këtë sezon.
Lille ka ndërruar trajner: Galtier pas suksesit në Ligue 1 pranoi sfidën e re të Nice. Asnjë nënshkrim i madh i bërë nga klubi deri më tani. Në listën e daljeve, përveç portierit francez, është me peshë edhe mesfushori Boubakary Soumaré te Leicester. Revolucioni te Psg është një situatë krejt e kundërt: kanë mbërritur lojtarët me parametër zero Sergio Ramos, Gigio Donnarumma dhe Georginio Wijnaldum. 68 milion janë shpenzuar nga parisienët për të blerë anësorin maroken Achraf Hakimi nga Interi. Pochettino do të duhet të bëjë pa shumë titullar megjithatë për finalen e Superkupës. Nga ish-mbrojtësi i Real Madrid për shkak të dëmtimit, te portieri italian që është ende me pushime, ashtu si Verratti. Gjithashtu janë Neymar, Marquinhos dhe Paredes që morën pjesë në Kupën e Amerikës në korrik, që duhet të kthehen në Paris në 2 Gusht.
Ndeshjet e fundit miqësore të Lille nuk janë perfekte. Vetëm një fitore në pesë ndeshje me Waasland-Beveren, ndërsa është thyer nga Gent, Benfica dhe Porto, për të barazuar kundër Kortrijk, një ekip belg. PSG ka bërë më mirë, tre fitore dhe dy barazime. Skuadra e Pochettino ka fituar trofeun 10 herë, asnjë klub nuk ka bërë më mirëse ata. Lille llogarit dy finale të humbura: në '55 kundër Reims e dhjetë vjet më parë kundër Marseille.
