Tatimet në Spanjë kanë bllokuar 1.4 milion € nga paga e trajnerit të Real Madrid Carlo Ancelotti. Vendimi është marrë si garanci për një borxh tatimor që trajneri italian e ka kontraktuar në periudhën 2014-2015, gjatë aventurës së tij të parë në stolin e Blancos. Ancelotti ka pranuar në fakt se ishte këshilluar keq në vitin fiskal 2014, por mohoi akuzat që lidhen me vitin 2015 dhe negociatat janë duke u zhvilluar për të zgjidhur mosmarrëveshjen.
Sipas asaj që raportohet, Tatimet në Madrid kanë prezantuar një denoncim kundër teknikut italian, që në kohën kur ai drejtonte Everton, për një evasion fiscal të dyshuar prej më shumë se një milion euro (saktësisht 1.062.079) që lidhet me dyvjecarin 2014-2015, kur Ancelotti drejtonte Real. Akuzat janë të ashpra e kanë lidhje me shpërblimet e marrë si trajner, por kryesisht me ato që lidhen me të drejtën e imazhit. Sipas hetuesve, Ancelotti ka përdorur një rrjet kompleks për të fshehur një pjesë të të ardhurave të tij nga Agjensia e Hyrjeve spanjolle.
Tekniku nga Reggiolo është vetëm i fundit nga personazhet e njohur të futbollit iberik përfunduar nën lenten zmadhuese të tatimeve. Rastet më të njohura kanë qenë ato të Messi e Cristiano Ronaldo, të dënuar respektivisht 21 e 23 muaj burg e me pagesën e gjibave milionëshe. Lista në fakt është e gjatë dhe përfshin edhe emra si José Mourinho, Radamel Falcao, Alexis Sanchez, Diego Costa, Javier Mascherano, Marcelo, Angel Di Maria, James Rodriguez, Mesut Ozil e shumë të tjerë. Në rastet më të shumta, procedurat janë mbyllur me një pakt për pagesën e një kuote.
