Fundi i kampionatit evropian po afron dhe për Portugalinë mund të jetë vetëm disa orë larg. Duke qenë se vendimi për të ardhmen e Ronaldos do të mësohet vetëm në fund të qëndrimit të tij në Euro 2020, është e kuptueshme se njoftimi zyrtar do të bëhet së shpejti. Menaxheri i tij Jorge Mendes po takon klubet më prestigjioze evropiane dhe duket e sigurt se, nëse CR7 nuk do të qëndrojë në Torino, transferimi te PSG është hipoteza e vetme konkrete.
Real Madrid dhe Manchester United tashmë janë skenarë të largët. Juventus do të hiqte dorë pa shumë problem nga kampioni i tyre sepse joshen nga 25/30 milionë euro që mund të përfitojnë nga shitja e mundshme, duke kursyer neto 31 milionë euro të vitit të fundit të kontratës. Sidoqoftë, asnjë klub evropian nuk duket i gatshëm t’i garantojë 36-vjeçarit një pagë të ngjashme me atë të bardhezinjve për një periudhë dy vjeçare (formula që pretendon Mendes). I vetmi klub i interesuar dhe i aftë të ekspozohet financiarisht është PSG. Sidomos nëse ai do të largohej Mbappé, i magjepsur gjithnjë e më shumë nga sirenat e Realit.
