"Uefa, federata angleze dhe autoritetet angleze po punojnë në kontakt të ngushtë për të organizuar gjysmëfinalet dhe finalen e Euro 2020 në Wembley dhe nuk ka asnjë plan për të ndryshuar vendin për ato ndeshje." Kjo ka qenë përgjigja e Uefa-s me një njoftim zyrtar në lidhje me deklaratën e Kryeministrit Italian Mario Draghi të bërë nga Berlini. Gjatë konferencës së përbashkët për shtyp me Kancelaren gjermane Angela Merkel, i pyetur për mundësinë e transferimit të finales së kampionatit Europian në Itali, duke marrë parasysh rritjen e infeksioneve Covid në Mbretërinë e Bashkuar, në versionin e ri Delta numri 1 i qeverisë italiane është shprehur: "Unë përgjigjem po për të bërë më të mirën që finalet të mos zhvillohen në një vend ku infeksionet po rriten me shpejtësi," tha Draghi.
Në unison me qendrimin e UEFA-s ka ardhur edhe reagimi i Ministrit të Shëndetit britanik, Matt Hancock, që ka konfirmuar se "finalja e Europianit do të zhvillohet në Ëembley" si është programuar që në fillim të turneut.
Betejë në fushë, por edhe jashtë saj, me qytetet që kërkojnë organizimin e eventeve të mëdha, pavarësisht se përcaktimet janë bërë. Covid vazhdon të shqetësojë planet e futbollit, por për ti ndryshuar duhet dicka më e fortë se thjesht një shqetësim numrash.
