Aventura e Gennaro Gattusos në pankinën e Fiorentinës ka mbaruar para se të fillonte. Divergjencat në lidhje me merkaton shkaktuan, pas vetëm tre javësh, një thyerje të pariparueshme që çoi në divorc zyrtar mes palëve (Gattuso tashmë e ka nënshkruar kontratën që e lidh atë me Fiorentinën, por ajo nuk ishte depozituar ende). Ndërkohë, fillojnë të qarkullojnë emrat e parë për zëvendësimin e trajnerit në Firence: Rudi Garcia duket se është në vijën e parë, por Claudio Ranieri, Walter Mazzarri dhe Beppe Iachini janë gjithashtu në garë.
Mes opsioneve të ndryshme të vlerësuara është në fakt edhe ajo e kthimit të mundshëm të trajnerit që, në dy sezonet e fundit, ka udhëhequr Violat drejt një shpëtimi të dyfishtë, por për momentin në plan është vetëm Garcia, i cili ka një eksperiencë të mëparshme me Romën në Itali mes viteve 2013 dhe 2016 dhe që vjen nga përvoja e tij në pankinën e Lyon.
KOMUNIKATA
"ACF Fiorentina dhe tekniku Rino Gattuso, me marrëveshje të përbashkët, kanë vendosur që të mos ndjekin marrëveshjet paraprake dhe për këtë arsye të mos e fillojnë sezonin e ardhshëm sportiv së bashku. Klubi është vënë menjëherë në punë për të gjetur një zgjedhje teknike që të udhëheqë ekipin Viola drejt rezultateve që Fiorentina dhe qyteti i Firences meritojnë".
