Pasi pranoi disa ditë më parë se kishte mashtruar për identitetin e tij, ka ardhur edhe sanksioni për Silas Katompa Mvumpa, i cili ka luajtur vitet e fundit me emrin e rremë të Silas Ëamangituka. Federata Gjermane e Futbollit e ka pezulluar lojtarin për tre muaj për sjellje jo-sportive - deri në 11 shtator 2021 - dhe gjithashtu gjobiti sulmuesin e Stuttgart me 30,000 €. Lajmi është bërë i ditur nga vetë klubi gjerman, që i kishte dalë në mbrojtje lojtarit, të nxitur nga menaxheri i tij për të kryer mashtrimin, duke ulur edhe me një vit moshën.
Stuttgart do të duhet të bëjë kështu pa sulmuesin e tyre kryesor (11 gola në 25 ndeshje të Bundesligës) për javët e para të kampionatit të ardhshëm. Sezoni i ri në Gjermani do të fillojë më 13 gusht dhe, pavarësisht se kalendari nuk është përcaktuar ende, Katompa Mvumpa me sa duket do të humbasë 6 javët e para.
Si lojtari ashtu edhe Stuttgart e kanë pranuar dënimin, kështu që gjykimi është përfundimtar. "Ishte e qartë si për të dhe për ne që ai do të sanksionohej nga DFB dhe sipas statuteve duhet të jetë kështu - ka thënë drejtori sportiv Sven Mislintat. - Dënimi gjithashtu merr parasysh edhe rrethanat e veçanta të çështjes së tij. Jemi të lumtur që aspekti sportiv në nivelin e Federatës së futbollit tani është mbyllur për Silas".
