Kërcënimet me sanksione, përfshirë përjashtimin nga kupat evropiane, sulmet në media dhe fjalët e forta nuk shërbyen për asgjë. Beteja mes Uefa-s dhe klubeve të mbetura në mbrojtje të projektit Super League, domethënë Juventus, Barcelona dhe Real Madrid, vazhdon dhe kalon në një terren të ri, atë të Gjykatës Evropiane të Drejtësisë. Të tre shoqëritë në fakt kanë kontestuar shkeljen e pretenduar nga UEFA dhe FIFA të rregullave të konkurrencës së Bashkimit Evropian, duke iu referuar vendimit të Gjykatës Tregtare të Madridit në javët e fundit që paralajmëroi UEFA të "bllokojë çdo masë disiplinore ose sanksionuese". Uefa: "Ne do të mbrohemi fort".
Gjykata e Drejtësisë e BE duhet të japë interpretimin e rregullave përkatëse në procedurë dhe kjo do të jetë e detyrueshme për gjyqtarin kombëtar dhe për të gjithë gjyqtarët e tjerë që do të përballen me një çështje të ngjashme në të ardhmen.
Klubet e Superligës pretendojnë se UEFA dhe FIFA kanë një pozicion dominues dhe abuziv dhe nëse sanksionet e paralajmëruara do të imponoheshin, kjo do të minonte konkurrencën e lirë në territorin e Bashkimit Evropian. Sipas urdhrit të magjistratit Manuel Ruiz de Lara, titullarit të Mecantil 17 në Madrid - shkruan AS - interpretimet e neneve 101 dhe 102 të Traktatit për Funksionimin e Bashkimit Evropian (TFEU) janë ato që pretendojnë se UEFA abuzon me pushtetin dhe autoritetin e saj.
Procedimet mund të zgjasin me muaj, megjithëse vendimi mund të përshpejtohet nëse Gjykata do të kuptonte, gjë që ka shumë të ngjarë, se çështja duhet trajtuar urgjentisht për të gjetur një zgjidhje përpara fillimit të edicionit të ardhshëm të fazës së grupeve të Champions League.
UEFA: "DO TË MBROHEMI ME FORCË"
"UEFA merr shkas nga njoftimi i Gjykatës Evropiane të Drejtësisë për një referim të gjykatës së Madridit në të ashtuquajturën Super League Evropiane, pavarësisht tërheqjes së nëntë prej klubeve të saj anëtare themeluese. UEFA është e sigurt në pozicionin e saj dhe do ta mbrojë atë me forcë" shkruhet në deklaratën zyrtare të organizatës më të lartë evropiane të futbollit.
