Asgjë nuk ndodhi në ndeshjen e madhe të javës së 35 të La Liga. Përplasja e drejtpërdrejtë mes Barcelonës dhe Atletico Madrid përfundoi 0-0, me colchoneros që qëndrojnë në vendin e parë me 2 pikë më shumë se katalanasit, por tani rrezikojnë të arrihen nga Real, që do të luajë sonte kundër Sevilla. Blancos sigurisht që i kishin sytë në përplasjen e dy rivalëve, por një pjesë e parë e dominuar nga miqtë me rastet e Llorente, Suarez dhe Carrasco, nuk mundi të thyente Ter Stegen.
Në Camp Nou nuk nisi mirë për Simeonen, që humbi Lemar për shkak të një problemi në gju: Në anën tjetër, Busquets u detyrua të braktisë ndeshjen pas një përplasje me kokë me Savic. Skuadra e Simeones në përgjithësi e dominoi pjesën e parë, por nuk arriti të mundte portierin gjerman që në fund i mohon gëzimin e golit edhe Carrascos. Përgjigja e Barcelonës erdhi nga një individualitet i Messi, i cili arriti në zonë duke dribluar katër lojtarë, por goditja e tij nxiti reflekset e Oblak.
Në fillim të pjesës së dytë, ndeshja bëhet emocionuese dhe Barcelona është më e rrezikshme me Lenglet, ndërsa rastin më të mirë të ndeshjes e kishte në minutën e 62, kur vetëm një ndërhyrje e mrekullueshme e Hermosos lejoi Atletico të mbajë rezultatin në 0-0. Rezultati që nuk u zhbllokua deri në fund; edhe sepse në minutën e 90 Messi prek vetëm kryqëzimin e shtyllave në një goditje të lirë në hyrjse të zonës. Koeman mbetet -2 nga vendi i parë. Mes dy grindësve, i treti që mund të festojë është Real Madrid. Ndeshja e përfunduar me rrjeta të bardha midis Barcelonës dhe Atletico mund të lejojë Zidane (nëse ai arrin të mundë Seviljen) që të kapë Colchoneros në krye të renditjes.
