Sfida në fushë do të luhet të dielën me Cristiano Ronaldon, për një vend në Champions, atë që Milan po diskuton me Juven, por jashtë saj për Ibrahimovic është ende koha për të dueluar me Romelu Lukakun për epërsinë e qytetit që acaron rivalitetin. Pas postimit-titull të sulmuesit belg të Inter ("Zoti i vërtetë ka kurorëzuar Mbretin! Tani përkuluni! Mbreti i Milanos"), ka ardhur përgjigja nga lojtari i Milanit i cili publikoi imazhin e një kapuçino ku me shkumë dhe çokollatë ishte vizatuar portreti i Zlatan me fanellën e Milanit, krahët e drejt qiellit me Duomon në sfond.
Një rivalitet që shpërtheu në përplasjen fizike gjatë derbit të Kupës së Italisë në janar. Një episod në të cilin vetë Lukaku u kthye gjatë një interviste me Corriere della Sera: "Po humbisnim 1-0, humba një rast për gol, isha pak i zemëruar. Fjalët e tij më goditën. Unë nuk jam i kënaqur që reagova ashtu, por nuk jam një që mund ta shkelësh me këmbë. Unë jam i përulur dhe i qetë, jam një fitues dhe luftoj deri në vdekje për shokët e mi të skuadrës dhe për fitoren. Ibrahimovic është një lojtar i shkëlqyer, ka fituar kudo që ka luajtur, ka shënuar më shumë se 500 gola. Si njeri? Deri në Mançester patëm një marrëdhënie të mirë. Ne kemi nevojë për lojtarë të këtij niveli në Serie A. Ai dëshiron të fitojë për veten e tij, unë për Interin, Cristiano Ronaldon për Juve...".
