24 orë pas grabitjes së tmerrshme që ai pësoi në shtëpinë e tij në Romë, Chris Smalling ka lënë një mesazh në rrjetet sociale për të falënderuar dhe qetësuar ata që u shqetësuan për të dhe familjen e tij. "Doja ti falënderoja të gjithë për mesazhet e afërsisë dhe mbështetjes! Familja ime, megjithëse shumë e tronditur, është e padëmtuar. Shpresoj se këta njerëz mund të gjejnë një mënyrë më kuptimplotë për të jetuar jetën e tyre, pa shkaktuar dëm ose shqetësim për të tjerët", shkruajti mbrojtësi verdhekuq.
Edhe gruaja e tij Sam ka dashur ti falënderonte të gjithë. "Faleminderit të gjithëve për mbështetjen - shkruajti partnerja e Smalling -. Edhe pse është ende pak e tronditur, familja ime është mirë. Thjesht do t'ju sugjeroja atyre që e jetojnë jetën e tyre si këta hajdutë, që hynë në dhomën tonë të gjumit duke na drejtuar armët në kokë, të rimendojnë zgjedhjet e tyre dhe ta jetojnë në një mënyrë më dinjitoze, të respektueshme dhe më të vetëdijshme, si burra të vërtetë dhe jo minj (mungesë respekti për minjtë, e di). E imagjinoj se jetët e tyre nuk kanë qenë të thjeshta, por ka gjithmonë një mënyrë tjetër"
