Duvan Zapata është gati të rifillojë përsëri garën. Me pezullimin e kualifikuesve të Kupës së Botës 2022 në Amerikën e Jugut, sulmuesi i Atalantas mbeti në Zingonia për të punuar dhe rifituar energjitë në funksion të sprintit të fund-sezonit për të arritur një vend në Champions League dhe për të fituar Kupën e Italisë, në finalen kundër Juventus. "Fitimi i një titulli do të ishte i veçantë dhe të bën të luash SuperKupën. Por unë nuk zgjedh, unë dua gjithçka," tha ai në një intervistë për Gazzetta dello Sport. Prandaj Zapata nuk vendos kufij, për kënaqësinë e Atalantës dhe Gasperinit.
Krahasimet me Lukakun dhe një mendim për Interin, që komandon në kampionat por, sipas Zapatës, nuk janë më të fortët. "Ata fituan kundër nesh, por vuajtën, si çdo herë që janë përballur me ne - shtoi kolumbiani, i cili ka luajtur 129 ndeshje me Atalanta duke shënuar 61 gola - Unë mendoj se Interi është i pari sepse ata kishin më shumë kohë për të punuar në detaje, pasi u eliminuan në Evropë".
