Flash

Burri prokuror, gruaja gjyqtare/ Kush ishte shënjestra e tritolit në Tiranë

Lapsi.al 11 March 2021
Burri prokuror, gruaja gjyqtare/ Kush ishte shënjestra e tritolit në

Një shpërthim eksplozivi tronditi një nga qendrat e njohura tregtare mbrëmjen e së enjtes. Në parkimin e saj u hodh në erë makina tip Mercedes A Class e prokurorit Arjan Muça, por që përdorej edhe nga bashkëshortja e tij, gjyqtarja Gentiana Muça.

Ngjarja ndodhi rreth orës 19.30 në zonën e njohur si Komuna e Parisit dhe nga shpërthimi nuk ka pasur persona të lënduar, por vetëm dëme materiale. Makina është shkatërruar në pjesën e përparme dhe lënda plasëse ishte vendosur në krahun e shoferit.

Drejtori i Policisë së Tiranës Rebani Jaupaj tha se kjo maninë përdorej prej 2 vitesh nga çifti Muça dhe se ajo parkohej në të njëjtin vend prej kohësh. Ekspertët e policisë kanë marrë deklaratat e prokurorit dhe gjyqtares si dhe të dëshmitarëve. Një tjetër fokus i hetuesve janë kamerat e sigurisë të shumta në këtë zonë që po këqyren me urgjencë pas sekuestrimit.

Prokurori Arjan Muça ka pasur shumë “çështje të nxehta” në dorë.

Ai ka qenë një nga prokurorët e çështjes së “Gërdecit”. Vite më parë ai ka qenë oficer gjyqësor në Prokurorinë e Krimeve të Rëndë në Tiranë. Më pas kaloi në prokurorinë e Gjirokastrës, kurse aktualisht ai është komanduar në Tiranë. Në muaj e fundit ai ishte komanduar në Tiranë te Këshilli i Lartë i Prokurorisë për sektorin e hartimit të dosjeve, raportet për gjyqtarët dhe prokurorët që kalojnë në Vetting.

Bashkëshortja e tij, ka qenë gjyqtare në Gjykatën Administrative të Gjirokastrës ndërsa tani punon pranë Gjykatë Administrative në Tiranë. Një nga pistat që po hetohet është detyra që mbajnë si prokurori, ashtu edhe gjyqtarja, por është e paqartë se cili ka qenë shënjestra pasi makina përdorej nga të dy. Në zonë janë vënë re disa postblloqe policie në përpjekje për të identifikuar dhe ndaluar autorët e kësaj ngjarjeje. ©LAPSI.al

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI