Flash

Spiropalizohet edhe Najada Çomo/ Nis fushatën me video përkrah Skënderbeut

Lapsi.al 10 March 2021
Spiropalizohet edhe Najada Çomo/ Nis fushatën me video përkrah

Asgjë në fushatën e rilindjes nuk është e rastësishme. Ndërsa katër vite më parë në zgjedhjet e 2017, po në Tiranë, Elisa Spiropali e krahasoi shefin e saj me Skënderbeun, këtë radhë është mjekja Najada Çomo që ka xhiruar videon e parë elektorale duke pasur në sfond heroin tonë kombëtar.

Në disa kënde ku është vendosur kamera në perspektivë dallohet qartë Gjergj Kastrioti. "Një nga motivet e forta për të vazhduar punën në mënyrë korrekte ka qenë dhe suporti maksimal i kryeministrit Edi Rama në mbarëvajtjen e kësaj pandemie", thotë ajo me Skënderbeun pas krahëve, i cili duket në më shumë se gjysmën e minutazhit të videos.

 

Por momenti kur gjithçka degjeneron në grotesk, është ai kur komandantja e betejës kundër Covid 19 identifikon gjeneralin e saj. Gjuha filmike është shumë e lexueshme. Në fund të videos, doktoresha aktore kthen shikimin lart në qiell nga monumenti i Skënderbeut.

Por në vend të tij, në pamje shfaqet Edi Rama i mbuluar me maskë që në krah të djathtë ka slloganin: "Shqipëria e ardhmja jonë".

Natyrisht video e fushatës së doktoreshës, që mban numrin 2 në listën e Tiranës, u shfaq fillimisht në faqen e Facebookut të Skënderbeut aktual, kryeministrit që kërkon mandat të tretë.

©Lapsi.al 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI