Kanë kaluar 15 ditë që kur nisi vaksinimi i mjekëve dhe infermierëve që punojnë në spitalet covid me 975 dozat e Pfizer. Reklama qe për të pasur zili. Posteri me mbishkrimin “Shqipëria buzëqesh”, si përherë i këndshëm në kombinim ngjyrash. Në dispozicion u vu i gjithë stadiumi Air Albania. Vetë Rama, kur u shpua, nuk e ngriti mëngën e këmishës në njërin krah, por u zbërthye i gjithi, në një foto që bëri xhiron gjithandej në internet. Mjekët epidemiologë dolën me radhë nëpër ekrane për të qetësuar skeptikët mbi efektet anësore të vaksinës.
https://lapsi.al/2021/01/03/andi-bushati-vaksina-nje-buzeqeshje-e-fshehur-poshte-maskes/
Dy javë më vonë, farsa ka ngecur në vend. Deri tani, numërohen rreth 500 mjekë dhe infermierë të vaksinuar. Nuk ka furnizim të ri vaksinash. Dozat janë ato që erdhën surprizë në fillim të këtij muaji, bashkë me shprehjen se “këto i keni se keni kryeministër Edi Ramën”
https://lapsi.al/2021/01/19/rama-kontrata-me-pfizerin-per-vaksinat-eshte-sekret-nuk-do-bfehet-publike/
Meqënëse vaksinat ishin shumë pak, vetëm 750 doza, rezulton se procesi po zvarritet me qëllim, sa për të mbajtur gjallë idenë se lufta ndaj covid vazhdon, njësoj si në të gjithë botën. Nga një llogaritje e thjeshtë rezulton se në një ditë kryhen shumë pak injektime.
https://lapsi.al/2021/01/11/kush-i-filmoi-ministrat-dhe-si-u-fshi-videoja-nga-restoranti-ne-dubai-nje-per-nje-te-gjitha-genjeshtrat-e-qeverise-per-darken-te-nusreti/
Kjo zvarritje në aplikimin e vaksinës dhe mungesa e furnizimit të vazhdueshëm tregojnë se nisja e vaksinimit ishte një farsë. Forcohen kësisoj paragjykimet dhe mosbesimi që ngjalli fillimi i procesit, i cili u konsiderua një inskenim, një truk i krijuar në emergjencë për të shfokusuar vëmëndjen e opinionit publik nga skandali i darkës tek Nusreit. Shkak për akuzat u bë video e postuar në Instagram, në profilin e restorantit luksoz në Dubai, ku ministrat dhe stafi i afërt i kryeministrit ishin duke darkuar në një prej restoranteve më të shtrenjta të botës.
Mungesa e transparencës për origjinën dhe futja e vaksinave si të ishin mall “kontrabandë” qe një tjetër shenjë që dozat e para u sollën për të shmangur vëmëndjen e opinionit publik nga skandali i radhës.
https://lapsi.al/2021/01/12/dokumentatsi-erdhi-vaksina-ne-shqiperi-pse-rama-se-tregoi-origjinen/
Furnizimi me vaksinat e Pfizer
Në 1 Janar, Rama premtoi se në javën e tretë të këtij muaji do të vijnë 10 mijë dozat e para nga marrëveshja me Pfizer. Premtimi nuk është mbajtur. Jemi në javën e katërt dhe ende nuk ka asnjë shpjegim për vonesën.
Vetë marrëveshja mes Shqipërisë dhe Pfizer nuk impresionon. 1o mijë doza pritet të vijnë në janar dhe 30 mijë në muajin shkurt, Pas këtyre, parashikohet një mungesë furnizimi për disa muaj në vazhdim. Sepse 450 mijë doza të tjera, supozohet të mbërrijnë në rastin më të mirë në muajin Korrik ose përndryshe në vjeshtë. Deri atëherë shpresat janë te Covax.
https://lapsi.al/2021/01/19/zbulohet-kontrata-e-qeverise-me-pfizer-vetem-30-mije-vaksina-do-te-mberrijne-ne-shkurt-pjesa-tjeter-nga-korriku-ne-dhjetor/?utm_source=rss&utm_medium=rss&utm_campaign=zbulohet-kontrata-e-qeverise-me-pfizer-vetem-30-mije-vaksina-do-te-mberrijne-ne-shkurt-pjesa-tjeter-nga-korriku-ne-dhjetor
Marrëveshja me Covax
Shqipëria ka paguar rreth 4 milion dollarë për furnizimin nga mekanizmi i Covax. Ky është një projekt që synon të shpërndajë në mënyrë sa më solidare vaksinat kundër covid në një situatë kur shtetet më të fuqishme të botës kanë prioritet mbrojtjen e popullsisë së tyre.
Të gjitha vendet e rajonit, njësoj si Shqipëria janë në pritje që të fillojë shpërndarja e vaksinave, por duket se kompanitë prodhuese kanë prioritet marrëveshjet me vendet e pasura të BE-së.
https://lapsi.al/2021/01/25/manastirliu-tregon-se-kur-pritet-te-vijne-furnizimet-e-vaksines-kunder-covid-19-nga-covax/
Vaksina e Covax do të jetë e aksesueshme për 20 përqind të popullsisë dhe Shqipëria ka porositur rreth 570 mijë doza. Deri atëherë, covid do të luftohet me 10 mijë lekët që jep qeveria për ilaçet dhe me shpresën te zoti.©Lapsi.al
