Një pikë që i bën punë shumë më tepër Skënderbeut, që në transfertën me Kastriotin flirtoi gjatë me fitoren e në fund të takimit të mbyllur 2-2 ndihet krejtësisht i pakënaqur. Një barazim me krutanët, në situatën në të ciën ndodhen bardhekuqtë do të ishte i cmuar, por për mënyrën si erdhën gjërat Ahmataj duhet të jetë i dëshpëruar.
Një ndeshje dramatike ka qenë ajo mes Kastriotit dhe Skënderbeut luajtur në Kamëz. U duk gjithcka e thjeshtë kur Shkalla shënoi golin e avantazhit për të besuarit e Ndreut në minutën e 28, por korcarët nuk e humbën orientimin dhe përmbysën shifrat në minutën e 64 me Mensah dhe Kosta Vangjelin 20 minuta me pas. Një 1-2 që duhej ta trondiste Kastriotin, por që përkundrazi i ktheu në lojë një reagim të pabesueshëm që solli golin e barazimit 2-2 me Xhuljo Mehmetin, që shënoi me kokë në minutën e 95-të, duke i hequr nga duart korçarëve një fitore të artë.
