Një hap tjetër drejt rimëkëmbjes së plotë, gati një muaj e gjysmë pas aksidentit në Bahrein që mund t’i kushtonte jetën. Romain Grosjean ka hequr tashmë fashat nga dora e tij e majtë, e njëjta që ishte operuar në mes të dhjetorit për të zgjidhur një problem me ligamentin e gishtit të madh. Një lajm i mirë, duke qenë se në të njëjtin muaj të operacionit, francezi gjithashtu hoqi fashat edhe në dorën e djathtë, më pak të përfshirë në goditje, edhe pse ishte djegur.
Ish piloti i Haas dhe F1 e komunikoi këtë në rrjetet e tij sociale, veçanërisht në një foto në Instagram ku shfaqet i buzëqeshur dhe me duar të lira e pa fasha: "Pas 39 ditësh me një mjekim - shkruan Grosjean - dora ime e majtë është e lirë prej pesë orësh. Për të na kujtuar të gjitha këto si një suvenir i bukur: kjo është një fitore për të gjithë ne !!”.
Për Grosjean, një hap tjetër larg nga ai ferr i filluar në 29 nëntorin e kaluar në Sakhir. Përplasja e Haas-it të tij kundër barrierave, flakët dhe një shpëtim i mrekullueshëm. Pastaj nisi kalvari për francezin, i cili i dha lamtumirën përvojës së tij me ekipin amerikan dhe F1 dy gara nga fundi i sezonit, i zëvendësuar nga Pietro Fittipaldi në GP-bis të Bahreinit dhe Abu Dhabi. Tashmë, me të dy duart e lira, Romain tani do të jetë në gjendje të punojë me simulatorin, gati (ndoshta) për një përvojë të re në IndyCar në 2021.
