I gjendur në tehun e kritikave se ndryshe nga vendet e tjera Ballkanike që tashmë e kanë filluar vaksinimin e popullsive të tyre, kryeministri Rama ka shpallur sot se edhe Shqipëria do të nisë në janar. “Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar” ka shkruar ai në Twitter!
Lexo me tej:
Diplomacia e vaksinës/ Vuçiç, furnizim nga Pfizer, Rama dhe të tjerët në pritje
Shqipëria nuk pa ndonjë dritë jeshile nga BE-ja për të marrë nga sasitë që ka kontraktuar Brukseli dhe as në rrugë të tjera.
Shumë vende në rajon patën si shpresë të vetme përfshirjen në sistemin COVAX, që në prillin e kaluar, i cili në sajë të kontributit financiar që pati dhënë secili u siguronte vaksinimin e deri në 20% të popullsisë.
Duke dashur të japë idenë e liderit që po përpiqet të luftojë si në rrethim, Rama goditi edhe BE, për mungesën e ndihmës ndaj vendeve të rajonit.“I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt” shkroi ai.
Vendet e Ballkanit po garojnë për të siguruar vaksinën kundër COVID-19, Shqipëria nuk është në listë
Por kryeministri, megjithëse ka folur për një tekst marrëveshjeje me Pfizer nuk ka përcaktuar se sa do të jetë sasia që do të mëbrrijë këtu, e kësaj vaksine që ka një çmim tepër të lartë (20 euro) dhe që do kushte super moderne të ruajtjes (deri - 70 gradë).
Ndërkohë që shtetet e zhvilluara jo vetëm kanë bërë transparente sasitë e vaksinave të kontraktuara, emrat e tyre, si dhe grafikët dhe kalendarët se si do të vaksionohet popullësia në bazë të moshës dhe riskut, Shqipëria në këtë pikë gjendet në errësirë të plotë. Frika është se mos ndodh ajo që bo bëjën shumë vende të varfra që marrin një numër të vogël vaksinash sa për ti përdorur për propagandë se vaksinimi filloi.
Pasi, nëse vendet më të zhvilluara të BE-së kanë shpallur se popullsisë me moshë mestare do ti vijë radha në qershor - korrik, është vështirë të thuhet se kur do të kemi një vaksinim real dhe jo për shou të shqipëtarëve.
©Lapsi.al
