Shqipëria deri në vitin 2050 parashikohet të humbasë 25 % të popullsisë së saj. Ky është parashikimi i një botimi special të përvitshëm që bën prestigjozia "The Economist" për gjëndjen e botës dhe për atë që do të ndodhë në të ardhmen (Tendencat e botës në vitin 2021/, kopertina lart).
Lexo me tej:
Krahasimi/ Sa fituan oligarkët me pushtetin e Ramës?
Në artikullin që i kushtohet Ballkanit, të shkruar nga njohësi i mirë i këtij rajoni, Tim Judah, vihet theksi në mpakjen e popullsisë të vendeve gadishullit tonë që vjen për dy shkaqe kryesore: Emigrimin masiv dhe rënien drastike të lindshmërisë që ka zbritur në shumë më pak se dy fëmijë për çift.
"Projeksionet vlerësojnë se deri në vitin 2050, Bullgaria do të ketë humbur 39% të popullsisë së saj krahasuar me 1989, Bosnja 37%, Rumania 31%, Serbia dhe Kroacia 24%, dhe Shqipëria 25%" shkruhet në artikull ku theksohet: "Që nga periudha e rënies së komunizmit dhe fundit të luftërave në Jugosllavi, banorët e Ballkanit bënë më pak fëmijë dhe emigruan masivisht Një të favorizuar edhe nga mungesa e fuqisë punëtore në rajone të caktuara të Evropës, si Gjermania.
Shifrat e lindshmërisë kanë rënë ndjeshëm në të gjithë rajonin: "Lidhur me lindjet, numri mesatar i fëmijëve për çdo femër është 1.37 në Shqipëri dhe 1.26 në Bosnjë dhe Hercegovinë - d.m.th. ndër më të dobëtit në botë, larg pragut të rinovimit gjeneratave që kërkon së paku 2.1 fëmijë për grua" shkruan Tim Judah.
Shqipëria po shuhet/ Rënie alarmante e numrit të lindjeve
Këto fenomene jo vetëm sjellin një paksim dhe plakje të shpejtë të popullsisë, por ato mbi të gjitha, sipas "The Economist", pengojnë edhe një planifikim afatgjatë të prioriteteve të vendeve që preken nga tkurja e popullsisë. Duke mos ditur trendin e zhvillimit askush nuk mund të mendojë se çdo të bëhet me shkollat e ardhshme fillore apo me politikat e pensioneve.
©Lapsi.al
