Mjeku infeksionist ishte një nga mbështetësit e fortë kundër mbajtjes së maskës në publik. Pak ditë më parë ai ndërroi mendje dhe deklaratat e tij u bënë virale. I pyetur në emisionin “Historia ime”, ai u kap ngushtë dhe tha se situata e ka detyruar të dalë edhe kundër vetes së tij.
“Më lejoni paraprakisht t’i kthehem një deklarate që kam bërë muaj më parë në këtë televizion gjatë të cilës kam thënë që: “Unë Pëllumbi me eksperiencë 40-vjeçare, kam qenë, jam dhe do të jem kundër maskës në mjedis të hapur”, por për shkak të dëmeve që po shkakton ky virus, do të dal kundër vetes time dhe do e rekomandoja që maska të bëhet e detyrueshme edhe në ambiente të hapura.
Kanë ndryshuar shumë gjëra, ka shumë studime që janë kontradiktore me njëra-tjetër. Ajo që ka ndryshuar në konceptin tim është dinamika e jetës jashtë mureve të shtëpisë, jashtë mureve të institucionit”– tha Pipero.
Nga nesër, të gjithë shqiptarët janë të detyruar të vendosin maskat në vende publike. Kush nuk e bën këtë gjë, ndëshkohet me 3 mijë lekë gjobë dhe në raste përsëritje, gjoba është 5 mijë lekë.
