Nikos Mihaloliakos, kryetari i Agimit të Artë, partisë greke të ekstremit të djathtë, shpallur nga gjykata më herët si organizatë kriminale, u dënua të mërkurën me 13 vjet burg.
Gjykata, gjithashtu dënoi me burgim të përjetshëm, anëtarin e penduar të Agimit të Artë, Giorgos Roupakias, për vrasjen e vitit 2013 të reperit anti-fashist, Pavlos Fyssas.
Kryetari i Agimit të Artë, Nikos Michaloliakos dhe gjashtë ish-deputetë, si dhe deputeti Ioannis Lagos u shpallën fajtorë javën e kaluar për “udhëheqjen e një organizate kriminale”.
Të gjithë të pandehurit, përveç njërit, u dënuan me nga 13 vjet burg.
Njëmbëdhjetë ish-deputetë të tjerë të Agimit të Artë u dënuan me pesë deri në shtatë vjet heqje lirie për pjesëmarrje në organizatë kriminale.
Prokurorët grekë argumentuan me sukses në gjykatë se 68 anëtarë të partisë ekstremiste Agimi i Artë, që hyrë për herë të parë në parlament në vitin 2013, ndërsa vendi ndeshje me një krizë të thellë financiare, kanë urdhëruar, ose të paktën ishin në dijeni të vrasjes së reperit Fyssas si dhe për krimin tjetër të dhunimit të disa peshkatarëve egjiptianë.
Prokurorët gjithashtu thanë se Agimi i Artë u kthye në një parti populiste neo-Naziste duke u kthyer në organizatë kriminale.
Shpallja e Agimit të Artë organizatë kriminale javën e kaluar gjeti mbështetje popullore jashtë gjykatës. Policia u detyrua të përdorë gazin lotsjellës për të shpërndarë protestuesit që kërkuan dënime të rënda për anëtarët e partisë.
