Ministri i Jashtëm i Greqisë Nikos Dendias, do të vijë në një vizitë në Tiranë javën e ardhshme. Ai do ta vizitojë kryeqytetin më 20 tetor, datë që është caktuar zyrtarisht.
Një ndër temat e takimeve që ai do të zhvillojë në vendin tonë ka të bëjë për çështjen e detit Jon që është përfolur dhe debatuar për një kohë të gjatë.
Dendias është shprehur për çështjen e detit ditë më parë se duhet zgjidhur sa më shpejt. Ai shpresonte që të riniste dialogu dhe të zgjidheshin problemet e vjetra. Një muaj më parë ishte kryeministri Edi Rama ai i cili vizitoi Greqinë, aty ku mori pjesë në një konferencë rajonale.
