Përveçse porositi vrasjet e Emiljano Ramzanit dhe Regis Runajt, Erion Alibej dyshohet se ishte i përfshirë në vrasjen e Bujar Çelës, vëllait të Talo Çelës. Burime nga Policia e Elbasanit thanë për gazetën Mapo se 34-vjeçari dyshohet se ka organizuar edhe vrasjen e Bujar Çelës. Ende nuk ka prova të mjaftueshme, por po hetohet për këtë vrasje. Erion Alibej cilësohej me rrezikshmëri të lartë në Elbasan dhe mendohet se ka organizuar vrasjet e fundit që kanë ndodhur në këtë qytet. Ai është arrestuar nga RENEA.
