Kryeministri Edi Rama ka propozuar që Komisionerin e Lirisë së Medias, Harlem Desir të zëvendësohet nga Ditmir Bushati. Lajmi raportohet nga Top Channel. Ndërkohë nuk dihet ende nëse Bushati do ta pranojë këtë detyrë të besuar nga Edi Rama. Bushati kundërshtoi në parlament ligjin për anti shpifjen, i pari që kërkoi çuarjen e ligjit në komisionin e Venecias. Edhe perfaqesuesi i OSBE-së për Lirinë e Medias, Harlem Désir ka qenë një kundërshtar i fortë në lidhje me paketën e ligjit të mediave online në Shqipëri.
Në dhjetor të një viti më parë, kur Rama tha se Kuvendi do kalojë më 19 dhjetor ligjin anti-shpifje, ku mediat sipas tij do të kenë “super-dënim”, Desir shprehej se paketa anti-shpifje zbatohet vetëm për shërbimet e mediave audiovizive dhe jo për ato online. Ai i dërgoi qeverisë së Shqipërisë një kërkesë për të rishikuar edhe njëherë ndryshimin e ligjit për median online, të njoftuar nga kryeministri Rama më 6 dhjetor të vitit të shkuar.
Ditmir Bushati deri më tani nuk ka bërë asnjë koment për këtë propozim të Ramës. Në Janar 2020 Rama e emëroi Bushatin si i dërguar i posaçëm për OSBE-në.
