Gjermania befasohet në fund, Spanjë buzëqesh me pikën në Sttugard, ndërsa Serbia 'rrihet' paq nga vëllezrit e mëdhenj të Rusisë. Nations League nis në mënyrën e duhur, edhe pse e gjithë vëmendja ishte përqendruar në supersfidën mes Gjermanisë e Spanjës. Dy kombëtaret nuk i ulën pritshmëritë, duke dhuruar një ndeshje ritmike e të ekuilibruar, ku u duk se Panzerat mund të bënin diferencën me golin e sulmuesit të ri të Chelsea Timo Werner.
Në fakt në minutën e 51, skuadra e Loë ndërtoi një aksion brilant, nisur nga këmbët e Gundogan e finalizuar brenda zonës nga Werner, që konfirmohet para portës një 'vrastar' i vërtetë. Luis Enrique duhet të ndryshonte dicka tashmë për të rikthyer stabilitetin në rezultat dhe e bën me katër debutuesit e tij Gaya, Ferran Torres, Merino e Ansu Fati. Pikërisht 17 vjecari me origjinë nga Guinea arrin të shënojë dy herë në portën e Trapp, por asnjë të vlefshëm, deri kur Gaya në minutën e 95, kur ishin dhënë vetëm 4 shtesë, shënoi barazimin, duke i befasuar gjermanët që u kapën me kohën e tepërt të lejuar nga Orsatto.
Në ndeshjet e tjera spikati fitorja e thjeshtë 3-1 e Rusisë përballë Serbisë, ndërsa po për Grupin B3 Hungaria befason Turqinë në shtëpi. Paqe në dy ndeshjet e grupit C3 ku Moldavia e Kosova, ashtu si edhe Sllovenia e Greqia ndajnë pikët, ndërkohë që në B4 Uellsi godet në Finlandë, duke marrë kryesimin e grupit, pas barazimit të Bullgarisë me Irlandën.
REZULTATET E MBREMJES
UEFA NATIONS LEAGUE - LEAGUE A GROUP 4
Germany 1 - 1 Spain
Ukraine 2 - 1 Switzerland
UEFA NATIONS LEAGUE - LEAGUE B GROUP 3
Russia 3 - 1 Serbia
Turkey 0 - 1 Hungary
UEFA NATIONS LEAGUE - LEAGUE B GROUP 4
Bulgaria 1 - 1 Ireland
Finland 0 - 1 Wales
UEFA NATIONS LEAGUE - LEAGUE C GROUP 3
Moldova 1 - 1 Kosovo
Slovenia 0 - 0 Greece
UEFA NATIONS LEAGUE - LEAGUE D GROUP 1
Latvia 0 - 0 Andorra
Faroe Islands 3 - 2 Malta
